Një person ka humbur jetën në Tiranë, pasi banesa e tij është përfshirë nga flakët ditën e sotme. Ngjarja ka ndodhur në rrugën “Gjergj Legisi”, ku 90-vjeçari nuk mundi të mbijetojë për shkak të flakëve dhe asfiksisë.
Zjarrfikësit bërë të mundur shuarjen e zjarrit, por banesa u dogj pothuajse e gjitha.
Ende nuk janë të qarta shkaqet e rënies së zjarrit në banesë, por dyshohet se gjithçka ka qenë aksidentale dhe se i moshuari mund të ketë lënë diçka të ndezur në banesë.
Njoftimi i policisë
Me datë 19.03.2018, rreth orës 16:10, në rrugën “Gjergj Legisi”, në banesën e shtetasit B.G., 90 vjeç i cili ndodhej në banesë ka rënë zjarr. Menjëher në vendngjarje kanë shkuar shërbimet e Policisë dhe Zjarrëfikësja ku kanë bërë të mundur fikjen e zjarrit. Shtetasi i mësipërm si pasoje e flakeve dhe asfiksisë nga tymi ka humbur jetën. Grupi hetimor ndodhet në vendngjarje për zbardhjen e plotë të shkaqeve dhe rrethanave të zjarrit.
